ਸਿਧਵਾ ਬੇਟ: ਜਮਹੂਰੀ ਕਿਸਾਨ ਸਭਾ ਪੰਜਾਬ ਜ਼ਿਲ੍ਹਾ ਲੁਧਿਆਣਾ ਦੇ ਆਗੂਆਂ ਸੁਖਦੇਵ ਸਿੰਘ ਮੰਗੀ, ਇੰਦਰਜੀਤ ਸਿੰਘ ਭੂੰਦੜੀ, ਅੰਗਰੇਜ਼ ਸਿੰਘ, ਬਲਵਿੰਦਰ ਸਿੰਘ, ਮਨਜਿੰਦਰ ਸਿੰਘ ਤੇ ਜਿੰਦਰ ਸਿੰਘ ਕੋਟ ਮਾਨਾ ਨੇ ਹੜ੍ਹਾਂ ਦੀ ਮਾਰ ਝੱਲ ਰਹੇ ਸੁਲਤਾਨਪੁਰ ਲੋਧੀ ਦੇ ਇਲਾਕੇ ਦੇ ਪਿੰਡਾਂ ਵਿੱਚ ਜਾ ਕੇ ਲੋਕਾਂ ਨੂੰ ਰਾਹਤ ਸਮੱਗਰੀ ਵੰਡੀ। ਉਹਨਾਂ ਕਿਹਾ ਕਿ ਬੇਸ਼ੱਕ ਇਹ ਕੁਦਰਤ ਦੀ ਲੋਕਾਂ ‘ਤੇ ਵੱਡੀ ਮਾਰ ਪਈ ਹੈ, ਪਰ ਜੇ ਸਮਾਂ ਰਹਿੰਦਿਆਂ ਸੂਬਾ ਸਰਕਾਰ ਤੇ ਪ੍ਰਸ਼ਾਸ਼ਨਿਕ ਅਧਿਕਾਰੀਆਂ ਨੇ ਹੜ੍ਹਾਂ ਨੂੰ ਰੋਕਣ ਦੀ ਪਹਿਲਾਂ ਵਿਉਂਤਬੰਦੀ ਕੀਤੀ ਹੁੰਦੀ ਤਾਂ ਸ਼ਾਇਦ ਲੋਕਾਂ ਦਾ ਇੰਨਾਂ ਨੁਕਸਾਨ ਨਾ ਹੁੰਦਾ।
ਉਹਨਾਂ ਮੰਗ ਕੀਤੀ ਕਿ ਸਰਕਾਰ ਇਸ ਸਾਰੇ ਕਾਸੇ ਦੀ ਸ਼ਪੈਸ਼ਲ ਗੁਦਾਵਰੀ ਕਰਵਾਕੇ ਜਿੰਨਾਂ ਦੀਆਂ ਫਸਲਾਂ ਮਾਰੀਆਂ ਗਈਆਂ, ਪਸ਼ੂ, ਪੰਛੀਆਂ ਦੇ ਹੋਏ ਨੁਕਸਾਨ ਅਤੇ ਢਹਿ ਗਏ ਮਕਾਨਾਂ ਦਾ ਪੂਰਾ ਮੁਆਵਜ਼ਾ ਬਿਨਾ ਕਿਸੇ ਦੇਰੀ ਦੇ ਦੇਵੇ। ਹੜ੍ਹਾਂ ਦੀ ਮਾਰ ਵਿੱਚ ਆਏ ਕਿਸਾਨਾਂ ਮਜ਼ਦੂਰਾਂ ਦਾ ਕਰਜ਼ਾ ਵੀ ਸਰਕਾਰ ਮੁਆਫ਼ ਕਰੇ।
ਉਹਨਾਂ ਵੱਲੋਂ ਸੁੱਕੀਆਂ ਦਾਲਾਂ, ਨਮਕ, ਤੇਲ, ਸੁੱਕਾ ਦੁੱਧ, ਪਾਣੀ ਤੇ ਬੱਚਿਆਂ ਲਈ ਬਿਸਕੁਟ ਤੇ ਟੌਫ਼ੀਆਂ ਵੰਡੀਆਂ ਗਈਆਂ।