ਤਰਨ ਤਾਰਨ: ਭਾਰਤੀ ਇਨਕਲਾਬੀ ਮਾਰਕਸਵਾਦੀ ਪਾਰਟੀ (ਆਰਐੱਮਪੀਆਈ) ਵੱਲੋਂ ਅੱਜ ਸਥਾਨਕ ਬਾਜ਼ਾਰਾਂ ਵਿੱਚ ਰੋਸ ਪ੍ਰਦਰਸ਼ਨ ਕਰਕੇ ਕੇਂਦਰ ਦੀ ਮੋਦੀ ਸਰਕਾਰ ਦਾ ਪੁਤਲਾ ਫੂਕਿਆ ਗਿਆ। ਜਿਸ ਦੀ ਅਗਵਾਈ ਪਾਰਟੀ ਦੇ ਤਹਿਸੀਲ ਸਕੱਤਰ ਬਲਦੇਵ ਸਿੰਘ ਪੰਡੋਰੀ ਅਤੇ ਨਰਿੰਦਰ ਸਿੰਘ ਰਟੋਲ ਨੇ ਕੀਤੀ। ਇਸ ਮੌਕੇ ਬੋਲਦਿਆਂ ਸੂਬਾ ਸਕੱਤਰ ਪ੍ਰਗਟ ਸਿੰਘ ਜਾਮਰਾਏ ਨੇ ਕਿਹਾ ਕਿ ਨਰਿੰਦਰ ਮੋਦੀ ਦੇ ਰਾਜਕਾਲ ਦੌਰਾਨ ਉੱਚ ਜਾਤੀ ਦੇ ਹੰਕਾਰੀਆਂ ਵੱਲੋਂ ਸੁਪਰੀਮ ਕੋਰਟ ਦੇ ਚੀਫ ਜਸਟਿਸ ਬੀਆਰ ਗਵਈ ਤੇ ਉਚ ਜਾਤ ਦੇ ਹੰਕਾਰੀ ਵਕੀਲ ਵਲੋਂ ਸ਼ਰੇਆਮ ਚਲਦੀ ਕੋਰਟ ਵਿੱਚ ਜੁੱਤਾ ਸੁੱਟ ਕੇ ਕੀਤੇ ਅਪਮਾਨ ਅਤੇ ਹਰਿਆਣਾ ਦੇ ਏਡੀਜੀਪੀ ਸ਼੍ਰੀ ਪੂਰਨ ਕੁਮਾਰ ਵਲੋਂ ਉਸਦੇ ਹੀ ਮਹਿਕਮੇ ਦੇ ਸਾਥੀਆਂ ਡੀਜੀਪੀ ਤੇ ਹੋਰ ਪੁਲੀਸ ਦੇ ਅਫ਼ਸਰ ਜੋ ਏਨਾ ਪੜ੍ਹ ਲਿਖ ਕੇ ਵੀ ਆਪਣੇ ਦਿਮਾਗਾਂ ਵਿੱਚ ਜਾਤਪਾਤ ਦਾ ਗੰਦਾ ਕੀੜਾ ਪਾਲੀ ਬੈਠੇ ਹਨ ਦੇ ਜਾਤੀਵਾਦੀ ਰਵਈਏ ਤੋਂ ਤੰਗ ਪ੍ਰੇਸ਼ਾਨ ਹੋਕੇ ਆਤਮਹੱਤਿਆ ਕਰ ਲੈਣਾ ਇਹ ਦੋਵੋਂ ਘਟਨਾਵਾਂ ਜਮਹੂਰੀਅਤ ਦੇਸ਼ ਤੇ ਸਭਿਅਤਕ ਸਮਾਜ ਤੇ ਕਲੰਕ ਹਨ। ਇਹਨਾਂ ਦੋਨਾਂ ਘਟਨਾਵਾਂ ਦੇ ਦੋਸ਼ੀਆਂ ਨੂੰ ਲਾਸਾਨੀ ਸਜ਼ਾਵਾਂ ਦਵਾਉਣ ਲਈ ਤਿੱਖਾ ਸੰਘਰਸ਼ ਕਰਨ ਦਾ ਸੱਦਾ ਵੀ ਦਿੱਤਾ ਗਿਆ। ਇਸ ਮੌਕ ਕਰਮ ਸਿੰਘ ਪੰਡੋਰੀ, ਕੁਲਦੀਪ ਸਿੰਘ ਰਟੌਲ, ਦਵਿੰਦਰ ਸਿੰਘ ਬਿੱਟੂ, ਅੰਮ੍ਰਿਤਪਾਲ ਸਿੰਘ ਚੌਧਰੀ ਵਾਲਾ, ਬਲਜੀਤ ਸਿੰਘ ਉਸਮਾ, ਬੁੱਧ ਸਿੰਘ ਪੱਖੋਕੇ, ਗੁਰ ਪ੍ਰਤਾਪ ਸਿੰਘ ਬਾਠ, ਸੁਖਦੇਵ ਸਿੰਘ ਕੰਗ, ਨਿਰਭੈ ਸਿੰਘ ਜਵੰਦਾ, ਹਰਬੰਸ ਸਿੰਘ ਕੈਰੋਵਾਲ ਆਦਿ ਹਾਜ਼ਰ ਸਨ।