ਅਜਨਾਲਾ : ਜਮਹੂਰੀ ਕਿਸਾਨ ਸਭਾ ਪੰਜਾਬ ਦੇ ਤਹਿਸੀਲ ਦਫ਼ਤਰੀ ਕੰਪਲੈਕਸ ਵਿਖੇ ਸਭਾ ਦੇ ਸੂਬਾ ਪ੍ਰਧਾਨ ਡਾ. ਸਤਨਾਮ ਸਿੰਘ ਅਜਨਾਲਾ ਦੀ ਪ੍ਰਧਾਨਗੀ ‘ਚ ਹੋਈ ਤਹਿਸੀਲ ਪੱਧਰੀ ਰੋਸ ਮੀਟਿੰਗ ਦੌਰਾਨ ਮਾਨਸੂਨ ਦੀ ਹੋਈ ਵਰਖਾ ਦੇ ਪਹਿਲੇ ਹੱਲੇ ‘ਚ ਹੀ ਡਰੇਨਜ਼ ਵਿਭਾਗ ਦੀ ਕਥਿਤ ਲਾਪ੍ਰਵਾਹੀ ਨਾਲ ਅਧੂਰੀਆਂ ਛੱਡੀਆਂ ਗਈਆਂ ਡਰੇਨਾਂ/ਰਾਜਬਾਹਿਆਂ/ਖਾਲਿਆਂ ‘ਚ ਬਰਸਾਤੀ ਪਾਣੀ ਦੇ ਮਾਰ ਹੇਠ ਪਿੰਡ ਜਗਦੇਵ ਖ਼ੁਰਦ, ਸਾਰੰਗਦੇਵ ਤੇ ਭਿੰਡੀ ਸੈਦਾਂ ਆਦਿ ਦਰਜਨਾਂ ਪਿੰਡਾਂ ‘ਚ ਫ਼ਸਲਾਂ ਦੇ ਤਬਾਹ ਹੋਣ ਦੇ ਰੋਸ ਵਜੋਂ ਸਰਕਾਰ ਵਿਰੁੱਧ ਜੰਮ ਕੇ ਨਾਅਰੇਬਾਜ਼ੀ ਕੀਤੀ | ਬਾਅਦ ‘ਚ ਸਭਾ ਦੇ ਵਫ਼ਦ ਨੇ ਐਸ. ਡੀ. ਐਮ. ਅਜਨਾਲਾ ਨੂੰ ਮਿਲ ਕੇ ਫ਼ਸਲਾਂ ਦੀ ਤਬਾਹੀ ਦਾ ਮਾਮਲਾ ਧਿਆਨ ‘ਚ ਲਿਆਂਦਾ | ਇਸ ਮੌਕੇ ਤਹਿਸੀਲ ਪ੍ਰਧਾਨ ਤੇ ਸੂਬਾ ਕਮੇਟੀ ਮੈਂਬਰ ਸ਼ੀਤਲ ਸਿੰਘ ਤਲਵੰਡੀ, ਵਿਰਸਾ ਸਿੰਘ ਟਪਿਆਲਾ, ਸਤਨਾਮ ਸਿੰਘ ਚੱਕ ਔਲ, ਗੁਰਨਾਮ ਸਿੰਘ ਉਮਰਪੁਰਾ, ਸੁਰਜੀਤ ਸਿੰਘ ਦੁਧਰਾਏ,ਹਰਜਿੰਦਰ ਸਿੰਘ ਸੋਹਲ, ਕੁਲਵੰਤ ਸਿੰਘ ਮੱਲੂਨੰਗਲ, ਅਮਰਜੀਤ ਸਿੰਘ ਭੀਲੋਵਾਲ, ਸੁਖਦੇਵ ਸਿੰਘ ਬਰੀਕੀ, ਟਹਿਲ ਸਿੰਘ ਚੇਤਨਪੁਰਾ, ਬਲਕਾਰ ਸਿੰਘ ਗੁੱਲਗੜ , ਤਰਸੇਮ ਸਿੰਘ ਕਾਮਲਪੁਰਾ ਆਦਿ ਆਗੂ ਮੌਜੂਦ ਸਨ |
