ਨਕੋਦਰ: ਪੇਂਡੂ ਤੇ ਖੇਤ ਮਜ਼ਦੂਰ ਜਥੇਬੰਦੀਆ ਦੇ ਸਾਂਝੇ ਮੋਰਚੇ ਦੇ ਸੱਦੇ ਤੇ ਹੜ੍ਹਾਂ/ ਬਰਸਾਤਾਂ ਨਾਲ ਬੁਰੀ ਤਰਾਂ ਝੰਬੇ ਲੋਕਾਂ ਨੂੰ ਹੋਏ ਨੁਕਸਾਨ ਦਾ ਮੁਆਵਜਾ ਦਿਵਾਉਣ ਲਈ ਪੂਰੇ ਪੰਜਾਬ ਵਿੱਚ 4-5 ਅਕਤੂਬਰ ਨੂੰ ਮੋਟਰਸਾਈਕਲ ਮਾਰਚ ਕਰਨ ਦਾ ਸੱਦਾ ਦਿੱਤਾ ਗਿਆ ਸੀ, ਉਸ ਦੀ ਕੜੀ ਵਜੋਂ ਅੱਜ ਤਹਿਸੀਲ ਦੇ ਪਿੰਡਾਂ ਮਾਹੂੰਵਾਲ, ਨਕੋਦਰ, ਸਿਆਣੀਵਾਲ, ਮਾਲੜੀ, ਹਸੈਨਪੁਰ, ਹੇਅਰਾਂ, ਤਲਵੰਡੀ ਭਰੋ, ਰਸੂਲਪੁਰ ਕਲਾਂ, ਉਗੀ, ਚੂਹੜ, ਤਲਵੰਡੀ ਸਲੇਮ, ਮੱਲੀਆਂ ਕਲਾਂ, ਜਹਾਂਗੀਰ, ਫਾਜਲਵਾਲ, ਨੂਰਪੁਰ ਚੱਠਾ ਆਦਿ ਪਿੰਡਾਂ ‘ਚ ਮੋਟਰਸਾਈਕਲ ਮਾਰਚ ਕੀਤਾ ਤੇ ਕਈ ਪਿੰਡਾ ‘ਚ ਜਲਸੇ ਵੀ ਕੀਤੇ।
ਪਿੰਡਾਂ ‘ਚ ਕੀਤੇ ਜਲਸਿਆਂ ਨੂੰ ਸਾਥੀ ਦਰਸ਼ਨ ਨਾਹਰ, ਹਰਮੇਸ਼ ਮਾਲੜੀ, ਹਰਪਾਲ ਬਿੱਟੂ, ਦਲਵੀਰ ਸਹੋਤਾ, ਬਲਦੇਵ ਸਿੰਘ ਮਾਲੜੀ, ਨਛੱਤਰ ਨਾਹਰ, ਸਤਨਾਮ ਉਗੀ ਆਦਿ ਆਗੂਆਂ ਨੇ ਸੰਬੋਧਨ ਕੀਤਾ।
ਜਿਕਰਯੋਗ ਹੈ ਕਿ ਮੋਟਰਸਾਈਕਲ ਮਾਰਚ ਦਾ ਪਿੰਡਾਂ ਦੇ ਮਜਦੂਰਾਂ ਨੇ ਜਿਥੇ ਭਰਵਾਂ ਸਵਾਗਤ ਕੀਤਾ ਉਥੇ ਗੁਰੂ ਕੇ ਲੰਗਰ, ਚਾਹ, ਪਾਣੀ ਆਦਿ ਦਾ ਪ੍ਰਬੰਧ ਵੀ ਬਹੁਤ ਸੋਹਣਾ ਕੀਤਾ।