ਅਜਨਾਲਾ: ਹੜ੍ਹ ਪੀੜਤ ਸੀਮਾਂਤ ਕਾਸ਼ਤਕਾਰਾਂ ਨੂੰ ਪੰਜਾਬ ਐਗਰੀਕਲਚਰ ਯੂਨੀਵਰਸਿਟੀ ਦੀ ਕਿਸਮ ਪੀਬੀਡਬਲਯੂ 826 ਦਾ ਬੀਜ ਅੱਜ ਇਥੇ ਮਟੀਆ ਪਿੰਡ ਵਿੱਖੇ ਦਿੱਤਾ ਗਿਆ, ਜਿਥੇ ਬੀਜ ਵੰਡਣ ਸਮੇਂ ਖੇਤੀ ਮਾਹਿਰ ਡਾ. ਸਤਨਾਮ ਸਿੰਘ ਅਜਨਾਲਾ ਪ੍ਰਧਾਨ ਜਮਹੂਰੀ ਕਿਸਾਨ ਸਭਾ ਪੰਜਾਬ ਨੇ ਕਣਕ ਦੀ ਬਿਜਾਈ ਲਈ ਵੱਧ ਤੋਂ ਵੱਧ ਝਾੜ ਲੈਣ ਲਈ ਬੀਜਣ ਤੋਂ ਲੈਕੇ ਪੱਕਣ ਤੱਕ ਸੁਧਰੇ ਢੰਗ ਤਰੀਕੇ ਦੱਸੇ, ਜਿੰਨਾ ਨਾਲ ਲਾਗਤ ਕੀਮਤ ਵੀ ਘਟੇਗੀ ਅਤੇ ਕਣਕ ਦਾ ਝਾੜ 25 ਤੋਂ 28 ਕੁਇੰਟਲ ਤੱਕ ਨਿਕਲੇਗਾ।
ਡਾ. ਅਜਨਾਲਾ ਨੇ ਕਿਸਾਨਾਂ ਨੂੰ ਭਾਵਪੂਰਵਕ ਅਪੀਲ ਕੀਤੀ ਕਿ ਕਣਕ ਦੇ ਨਾੜ ਨੂੰ ਅੱਗ ਨਾ ਲਾਉਣ ਅਤੇ ਜ਼ਮੀਨ ਨੂੰ ਜ਼ਰਖ਼ੇਜ਼ ਬਣਾਉਣ ਲਈ ਨਾੜ ਨੂੰ ਜ਼ਮੀਨ ਵਿੱਚ ਹੀ ਵਾਹ ਦੇਂਣ ਸਮੂਹ ਕਿਸਾਨਾਂ ਨੇ ਪ੍ਰਣ ਲਿਆ ਕਿ ਉਹ ਕਣਕ ਦੀ ਬਿਜਾਈ ਸੁਧਰੇ ਢੰਗ ਨਾਲ ਕਰਨਗੇ ਅਤੇ ਨਾੜ ਨੂੰ ਅੱਗ ਨਹੀਂ ਲਾਉਣਗੇ।
ਇਸ ਸਮੇਂ ਕਾਸ਼ਤਕਾਰਾਂ ਦੇ ਪ੍ਰਤੀਨਿਧ ਜੰਗ ਬਹਾਦਰ ਸਿੰਘ ਮਟੀਆ, ਸਾਬਕਾ ਸਰਪੰਚ ਅਵਤਾਰ ਸਿੰਘ ਨੇਪਾਲ, ਨੌਜਵਾਨ ਕਿਸਾਨਾਂ ਦੇ ਆਗੂ ਜੱਗਾ ਸਿੰਘ ਡੱਲਾ ਤੇ ਸ਼ਮਸ਼ੇਰ ਸਿੰਘ ਮਟੀਆ, ਲਖਬੀਰ ਸਿੰਘ ਤੇੜਾਂ ਰਾਜਪੂਤਾਂ, ਕੁਲਦੀਪ ਸਿੰਘ ਅਜਨਾਲਾ, ਫੌਜੀ ਸਤਨਾਮ ਸਿੰਘ, ਕਰਨੈਲ ਸਿੰਘ ਤੇ ਜਰਨੈਲ ਸਿੰਘ ਭਿੰਡੀ ਸੈਦਾਂ, ਹਰਨੇਕ ਸਿੰਘ ਨੇਪਾਲ, ਰਸ਼ਪਾਲ ਸਿੰਘ ਸਾਹੋਵਾਲ ਆਦਿ ਸ਼ਾਮਿਲ ਹੋਏ।
ਇਸ ਮੌਕੇ ਸੁਹਾਵਣਾ ਬਣਾਉਣ ਲਈ ਉੱਘੇ ਗਾਇਕ ਗੁਰਪਾਲ ਗਿੱਲ ਨੇ ਗੀਤ ਗਾਏ।